తమలపాకులు / Betel Leaves

తమలపాకులు / Betel Leaves
Kingdom	Plantae
Division	Tracheophytes
Class	Magnoliopsida
Order	Piperales
Family	Piperaceae
Genus	Piper
Scientific Name / Latin Name	Piper betle

తమలపాకులు (Piper betle) పైపేసి (Piperaceae) కుటుంబానికి చెందిన ఒక ముఖ్యమైన తీగ మొక్క. వివాహశుభకార్యాలలో, విందు వినోదాలలో తమలపాకులది అగ్రతాంబూలమే. ఆంధ్రప్రదేశ్‌లో చాలా చోట్ల తమలపాకులను పెంచుతున్నారు.

వివిధ భాషల్లో పేర్లు

• సంస్కృత పేరు: తాంబూలి
• హిందీ పేరు: పాన్
• తెలుగు పేరు: తమలపాకులు / నాగవల్లరి
• ఆంగ్ల పేరు: బిటెల్ లీప్స్ (Betel leaves)
• లాటిన్ పేరు: పైపర్ బీటిల్
• కుటుంబము: Piperaceae

పోషక విలువలు

ప్రతి 100 గ్రాముల తమలపాకుల యందు:

• తేమ: 85.4 గ్రాములు
• ప్రొటీన్లు: 3.1 గ్రా
• క్రొవ్వు: 0.8 మి.గ్రా
• కార్బోహైడేట్లు: 6.1 గ్రా
• మినరల్ మేటర్: 2.3 గ్రాములు
• పాస్పరస్: 40 మి.గ్రా
• ఇనుము (ఇరన్): 70 మి.గ్రా
• కాల్షియం: 230 మి.గ్రా
• నియాసిన్: 0.7 మి.గ్రా
• విటమిన్ - ఎ: 9600 I.U
• థైమిన్: 70 మి.గ్రా
• రైబోఫ్లేవిన్: 30.7 మి.గ్రా
• విటమిన్ - సి: 0.7 మి.గ్రా
• నికోటినిక్ ఆసిడ్: 0.7 మి.గ్రాములు
• మరియు ఎన్నో అమైనో ఆసిడ్లను కలిగి ఉంది.

ఔషధ ఉపయోగాలు & గుణాలు

• జీర్ణక్రియ మరియు ఉత్సాహం: భోజనం చేసిన తర్వాత సున్నం, వక్క కలిపి సేవిస్తారు. దీనిని నమలటం వలన ఎక్కువ సెలైవరి గ్లాండ్స్ విడుదల ఉత్టేజం కలుగుతుంది. ఉత్సాహం ఇనుమడిస్తుంది. సంతృప్తి మనసంతౌతుంది.
• నోటి దుర్వాసన మరియు క్రిములు: తమలపాకుల యందు లవంగాలు, సోంపు, పోక, వక్క కలిపి చక్కగా నమిలి తినటం వలన నోటి దుర్గంధము తొలుగుతుంది. నోటిలోని క్రిములు నశిస్తాయి. వాతకఫాలు హరిస్తాయి.
• సెక్స్‌లో సంతృప్తి: తమలపాకుల యందు జాజి (పుదీనా) జాపతి కలిపి ಸೇವించిన వీర్యస్తంభనము కలిగి సెక్స్‌లో తృప్తికలుగుతుంది.
• యాంటీసెప్టిక్ మరియు యాంటీ బాక్టీరియల్ గుణాలు: తమలపాకులు నుండి తీసే తైలము నందు సుగంధయుక్త స్థిరతైలములు కలవు. తమలపాకుల తైలము యాంటి సెప్టిక్ గుణాలను కలిగి ఉంది. తమలపాకుల తైలం యాంటి ఫంగల్, యాంటి బ్యాక్టీరియా గుణాలను కలిగి ఉంది. తమలపాకులను నమలటం వలన పిప్పిపళ్ళు నిరోధించబడతాయి.
• దంతాల సంరక్షణ: తమలపాకులు మరియు పోకవక్క కలిపి నమిలి తినటం వలన చిగుళ్ళు గట్టిపడతాయి. మరియు దంతాలు తొందరగా పాడుకాకుండా ఉంటాయి.
• దగ్గు మరియు గొంతు సమస్యలు: తమలపాకు వేరు మెత్తగా నమిలి ఆ ఊటను మింగిన కంఠస్వరం బావుంటుంది. తమలపాకు తీగ వేర్లు యష్టిమధు చూర్ణం కలిపి తీసుకున్న దగ్గు తగ్గుతుంది.

జాగ్రత్తలు / ప్రతికూలతలు

• తమలపాకులను అధిక రక్తపోటు (హైపర్ టెన్షన్), అల్సర్ రోగులు, గుండె జబ్బులతో బాధపడు రోగులు వాడటం మంచిది కాదు.
• తమలపాకుల యందు సున్నం, జర్దా (పొగాకు) కలిపి వాడటం వలన గొంతు, నాలుక మరియు దవదలకు సంబంధించిన క్యాన్సర్ వస్తుంది.
• అధికంగా తమలపాకులను అడపనిగా నమలటం వలన పళ్ళు గార పట్టి నల్లగాఅవుతాయి. అంతేకాదు దీర్ఘకాలం తమలపాకులు అడపనిగా ఎక్కువగా సేవించడం వలన క్యాన్సర్ వచ్చే ప్రమాదముంది.
• దంతాలు పుచ్చిపోతాయి. చిగుళ్ళ నుండి రక్తం ಕಾರటం, ఆకలి మందగించడం, హృదయ స్పందన అధికము కావటం లాంటి లక్షణాలు కనిపిస్తాయి.

మూలాలు

• పుస్తకం: సంపూర్ణ ఆయుర్వేద వైద్య చికిత్స (పేజీలు: 465-467)
• రచయిత: డా|| టి. భిక్షపతి