చింతకాయలు / చింతచెట్టు / Tamarind

చింతకాయలు / చింతచెట్టు / Tamarind
Kingdom	Plantae
Division	Tracheophytes
Class	Magnoliopsida
Order	Fabales
Family	టామరిండసియే
Genus	Tamarindus
Scientific Name / Latin Name	టామరిండస్ ఇండికా లిన్నెయస్ (Tamarindus indica L.)

చింత చెట్లు ఆంధ్రదేశమంతటా పెరుగుతాయి. నిత్య జీవితంలో మన ఆహారంలో ఎంతొ ఉపయోగపడేది చింతచెట్టు. చింతకాయ/పండును కూరలలో, రసములో, సాసులలో మరియు పచ్చళ్ళలో విరివిగా వాడతారు. ఆమ్లరసము ఉష్ణవీర్యము గురురూక్ష గుణము మరియు అమ్లవిపాకములను కలిగి ఉంది.

వివిధ భాషల్లో పేర్లు

• సంస్కృతం: మిచా/ అమ్లికా
• హిందీ: ఇమలీ
• తెలుగు: చింతకాయలు
• లాటిన్: టామరిండస్ ఇండికా లిన్నెయస్
• కుటుంబము: టామరిండసియే

పోషక విలువలు

ప్రతి 100 గ్రాముల చింతకాయ/పండులో:

• తేమ: 20.9%
• ప్రొటీన్లు: 3.1
• క్రొవ్వు: 0.5
• ఫైబర్: 5.6
• కార్బోహైడ్రేట్లు: 67.4
• మినరల్స్: 2.9%
• కాల్షియం: 170 మి.గ్రా.
• భాస్వరస్: 110 మి.గ్రా.
• ఇరన్: 108 మి.గ్రా.
• విటమిన్ - ఎ: 98 I.U

ఔషధ ఉపయోగాలు & గుణాలు

• సాధారణ గుణాలు: ఇది కఫవాతహరము, దీపనము అను కర్మలను కలిగి ఉంది. దీనిని కడుపునొప్పి, గుల్మము, అగ్నిమాంద్యము, శోధ, కామల మరియు వాతవ్యాధులలో ఉపయోగిస్తారు. ఎక్కువ తింటే విరేచనం చేస్తుంది.
• మొటిమలు, దురద, దద్దుర్లు: చింతచిగురు, పసుపు, పచ్చకర్పూరము మొదలగు వానిని మెత్తగా నూరి కొబ్బరినీళ్ళలో కలిపి ముఖంనకు రాసిన మొటిమలు తగ్గిపోతాయి. దద్దుర్లు మరియు దురదం తగ్గిపోతాయి. చింత చిగురులో విటమిన్ - సి ఎక్కువ మోతాదులో ఉంటుంది. దీనిని కూర చేసుకుని తింటే విటమిన్ - సి లోపం వలన వచ్చే జబ్బులు నివారించబడుతాయి. దద్దుర్లు, పైత్యవికారాలు నివారించబడతాయి.
• గజ్జి - దురద: చింతచిగురును మెత్తగా దంచి దీనిని శరీరమునకు రాసి కొన్ని నిమిషాలు ఎండలో కూర్చుని, తరువాత స్నానం చేస్తే గజ్జి, దురదలో ఉపయుక్తంగా ఉంటుంది.
• రోగనిరోధక శక్తి పెంపొందుటకు: చింతచిగురు మరియు వేప గుగ్గులు సేకరించి చక్కగా ఎండించి రోజు వాటిని సేవించిన రోగనిరోధక శక్తి పెరుగుతుంది.
• రక్తహీనత: చింతచిగురు రోజు సేవించిన రక్తహీనత సమస్య దూరమవుతుంది.
• వాంతి - తలతిప్పుట: చింతపండు, జీలకర్ర, సైందవలవణములను కలిపి 250 మి.లీ గ్రాములు చొప్పున ఉదయం, సాయంత్రం సేవించిన వాంతి వచ్చినట్టుంటుంది, ఒళ్ళు త్రిప్పినట్లు, తలతిరిగినట్లు అనిపించుట తగ్గుతుంది.
• ఆస్తమా: చింతబెరెడును భస్మం చేసి సేవిస్తే ఆస్తమా రోగుల్లో హితంగా ఉంటుంది.
• రక్తవిరేచనాలు: చింతచిగురును పప్పులో వేసుకొని తిన్న యెడల రక్తవిరేచనాలలో ఉపశమనము కలుగుతుంది.
• అధిక ఋతుస్రావము: చింతగింజల చూర్ణమును తేనెతో కలిపి వాడిన అధిక ఋతుస్రావము తగ్గుతుంది.
• ప్రణాలు - వాపులు - నొప్పి: చింతకకులను ఆముదముతో ఉడికించి కట్టిన యెడల గడ్డలు మెత్తబడతాయి. ప్రణాలు మానుతాయి. నొప్పి ఉన్నచోట కట్టిన నొప్పి తగ్గుతుంది. చింత ఆకును వేడి చేసి కట్టిన యెడల వాపు, నొప్పి తగ్గిపోతాయి.
• అగ్నిదీప్తి: చింతచిగురు పచ్చడి/చింతకాయ పచ్చడి తిన్న యెడల నోటికి రుచి కలిగి ఆకలి వెన్నుంది. దీని ద్వారా లాలాజల గ్రంధులు ఉత్తేజితకారకమౌతాయి.
• జ్వరతీవ్రత కామెర్లు: చింత చిగురు కషాయం త్రాగితే జ్వర తీవ్రత తగ్గుతుంది. చింతచిగురు రసము త్రాగిన కామెర్లు నివారించబడతాయి.
• కడుపుబ్బరం, ఆమ్లపిత్తము మరియు అల్సర్: చింతచిగురు కాల్చి ఆ భస్మాన్ని 1 గ్రాము ఉదయం, సాయంత్రం సేవించిన కడుపునాొప్పి, అల్సర్ మరియు కడుపుబ్బరములు తగ్గును.

మూలాలు

• పుస్తకం: సంపూర్ణ ఆయుర్వేద వైద్య చికిత్స (పేజీలు: 443-444)
• రచయిత: డా|| టి. భిక్షపతి