లవంగము / Clove

లవంగము / Clove
Kingdom	Plantae
Division	Tracheophytes
Class	Magnoliopsida
Order	Myrtales
Family	Myrtaceae
Genus	Syzygium
Scientific Name / Latin Name	Syzygium aromaticum (L.) Merr. & L.M.Perry

లవంగము (Syzygium aromaticum) మైర్టేసి (Myrtaceae) కుటుంబానికి చెందినది. లవంగము చక్కని సుగంధ భరితమైనది. లవంగాలను కర్ణాటక రాష్ట్రంలోని నీలగిరి కొండలపై పెంచుతున్నారు. లవంగము తిక్తకటురసము, లఘుస్నిగ్ధ గుణము శీతవీర్యము మరియు కటు విపాకములను గుణములను కలిగి ఉంది. లవంగము దీపనము పాచనము కఫపిత్తశామకము రుచ్యము అనే కర్ణలను కలిగి ఉంది. ఆహారంగానే కాక ఔషధంగా ఉపయోగపడే లవంగమును దగ్గు, ఆస్తా, క్షయ, చర్ది, తృష్ణా, దప్పిక, వాంతులు, శూల, కడుపుబ్బరము మరియు ఎక్కిళ్ళు మొదலగు వ్యాధులలో ఉపయోగిస్తారు.

వివిధ భాషల్లో పేర్లు

• సంస్కృతం : లవంగ
• హిందీ : లౌంగ్
• తెలుగు : లవంగము
• లాటిన్ : సైజీజియం కేరియోఫిలియంగార్టన్
• కుటుంబము : Myrtaceae
• ఇంగ్లీష్ : Clove

పోషక విలువలు

ప్రతి 100 గ్రాముల లవంగాల యందు:

• తేమ: 25.2 గ్రా
• ప్రొటీన్లు: 5.2 గ్రా
• కార్బోహైడేట్లు: 46.6 గ్రా
• క్రొవ్వు: 9.9 గ్రా
• కాల్షియం: 740 మి.గ్రా
• పాస్ఫరస్: 105 మి.గ్రా
• ఇరన్: 4.9 మి.గ్రా
• అయోడిన్: 50.7 మై.గ్రా
• విటమిన్ - ఎ: 253మై.గ్రా
• విటమిన్ - బి2 (రైబోఫ్లోవిన్): 0.13 మి.గ్రా
• నికోటినిక్ ఆసిడ్: 1.51 మి.గ్రా

కలవు. లవంగము నందు ఎసెన్షియల్ ఆయిల్ ఉంటుంది. అందులో యూజినాల్ కారియోఫైలిన్, గ್ಯಾಲటోనిక్ ఆసిడ్ మరియు ఫైటోస్టిరాల్ కలవు. లవంగాలకు యాంటీసెప్టిక్ గుణాలు కూడా కలవు.

ఔషధ ఉపయోగాలు & గుణాలు

• అజీర్ణము మరియు కడుపుబ్బరము: 5-10 లవంగాలను వేడినీళ్ళలో వేసి బాగా మరకాచి ఆ డికాక్షన్‌ను త్రాగిన అజీర్ణము, కడుపుబ్బరము, కడుపునొప్పి, విరేచనాలు తగ్గుతాయి.
• పంటినొప్పి & చెవిపోటు: లవంగ నూనెను పంటినొప్పిఉన్నచోట పెట్టినొప్పి నివారించబడుతుంది. చెవిపోటుభాగ్ ఉన్నయెడల లవంగము నూనె 2-3 చుక్కల వేసిన చక్కని ఉపశమనము కలుగుతుంది. (అయితేచెవిలో ఇన్ఫెక్షన్ లేకుండా చూసుకోవాలి)
• అతిమూత్రవ్యాధి & ఎక్కిళ్ళు: అతిమూత్రవ్యాధి యందు 2-3 లవంగాలను నమిలి మింగితే వ్యాధి తీవ్రత తగ్గుతుంది. లవంగాలను నమిలి మింగటం వలన ఎక్కిళ్ళురావటం తగ్గుతుంది.
• తేలు విషము: లవంగ తైలమును తేలు కుట్టిన చోట పెట్టినొప్పి నివారించబడుతుంది.
• దగ్గు & ఆస్తా: లవంగమును కాల్చి దానిని చప్పరించి మింగిన దగ్గు తగ్గుతుంది. లవంగాలు మరియు జిల్లెడు పూలు లేదా జిల్లెడు పువ్వులోని మొగ్గ కలిపి ఉదయం సాయంత్రం 125 మి.గ్రా చొప్పున వాడిన ఆస్తా వ్యాధి లక్షణాలు తగ్గుతాయి. లవంగాలను నీళ్ళలో వేసి మరకాచి ఆ కషాయాన్ని సేవించిన దగ్గు, ఆస్తా తగ్గుతుంది. ఆస్తారోగులకు లవంగతైలము 1-3 చుక్కలు తేనే 1 చంచా మరియు వెల్లుల్లి 1-2 దర్పలు కలిపి తిన్నయెడల ఆస్తా లక్షణాలు తగ్గుతాయి.
• నోటి దుర్వాసన & గొంతు నొప్పి: లవంగమును భోజనం తరువాత నోట్లో వేసుకుంటే నోటి దుర్వాసన తొలుగుతుంది. లవంగము నమిలినోట్లో ఉంచుకోవటం వలన నోరు జిగురుగా ఉండటము తగ్గుతుంది. లవంగము దప్పికను తీరుస్తుంది. లవంగాలు, పుదీనా, ఇాలాచిలను కలిపి పాన్ ఆకులతో కలిపి తినటం వలన గొంతుగరగర, గొంతునొప్పి తగ్గుతుంది.

జాగ్రత్తలు / ప్రతికూలతలు

• (ప్రస్తుత పుస్తక పేజీలలో ప్రత్యేకమైన జాగ్రత్తలు పేర్కొనబడలేదు)

మూలాలు

• పుస్తకం: సంపూర్ణ ఆయుర్వేద వైద్య చికిత్స (పేజీలు: 593-594) - రచయిత: డా|| టి. భిక్షపతి