ఆవకూర / ఆవాలు (Mustard Greens)
From LTRC
| శాస్త్రీయ వర్గీకరణ (Scientific Classification) | |
| రాజ్యము (Kingdom): | Plantae |
| విభాగము (Division): | Tracheophyta |
| తరగతి (Class): | Magnoliopsida |
| క్రమము (Order): | Brassicales |
| కుటుంబము (Family): | Brassicaceae (Cruciferae) |
| ప్రజాతి (Genus): | Brassica |
| లాటిన్ పేరు: | Brassica campestris |
ఆవకూర లేదా ఆవాలు (Mustard Greens) అనేది బ్రాసికేసి (Cruciferae) కుటుంబానికి చెందిన ఒక ప్రముఖమైన ఆకుకూర మరియు గింజల మొక్క. దీని శాస్త్రీయ నామం బ్రాసికా కంపెస్ట్రిస్ (Brassica campestris). భారతదేశంలో ఈ మొక్కను ఎక్కువగా ఉత్తర ప్రాంతంలో సాగు చేస్తున్నారు. ఆవల లేత ఆకులను, లేత కాడల్ని ఉత్తర భారతదేశంలో ఎక్కువగా కూరల్లో, పప్పులో వాడుతారు.
వివిధ భాషల్లో పేర్లు
- తెలుగు: ఆవాలు
- సంస్కృతం: సర్షప
- హిందీ: సర్సోం
- లాటిన్: బ్రాసికా కంపెస్ట్రిస్ లిన్నెయిస్ (Brassica campestris)
- కుటుంబము: Cruciferae
పోషక విలువలు
దీనిలో విటమిన్ - ఎ మరియు క్యాల్షియంలు ఎక్కువగా ఉంటాయి.
పోషకాల వివరాలు:
- ఖనిజలవణాలు: 16 గ్రా
- ప్రోటీన్లు: 4 గ్రా
- కొవ్వు: 0.6 గ్రా
- ఫైబర్ (నార): 0.8 గ్రా
- విటమిన్ - ఎ: 4370 యూనిట్స్
- క్యాల్షియం: 155 మి.గ్రా
- ఐరన్: 16.3 మి.గ్రా
- ఫాస్పరస్: 26 మి.గ్రా
- థైమిన్: 0.03 మి.గ్రా
- విటమిన్ - సి: 33 మి.గ్రా
- కేలరీలు: 33 గ్రా
ఔషధ ఉపయోగాలు & గుణాలు
- గుణాలు: ఆవకూర కఫవాతహరము, పిత్తవర్ధకము. ఇది కటుతిక్త రసము, ఉష్ణవీర్యము, లఘుస్నిగ్ధ గుణములను కలిగి ఉంది. ఇది శరీరం వేడి చేస్తుంది.
- వ్యాధి నివారణ: ఆస్తమా రోగులకు ఇది మంచిది. దురదలు, చర్మవ్యాధులు, క్రిమిరోగాలు, ప్లీహం పెరుగుట అను వ్యాధుల్లో ఉపయోగిస్తారు.
- బోదకాలు (శ్లీపదము): ఆవనూనెను త్రాగితే శ్లీపదము (బోదకాలు) నశిస్తుందని ఆచార్య సుశ్రుతుని అభిమతం. ఆవాలు మరియు పసుపు సమభాగాలుగా తీసుకొని మెత్తగా నూరి పట్టువేస్తే బోదకాలులో వచ్చే వాపు తగ్గిపోతుంది.
- దంత ఆరోగ్యం: ఆవాలలో ఉప్పుకలిపి పండ్లు తోముకుంటే దంతరోగాలు రావు.
- పుండ్లు & చర్మ సమస్యలు: ఆవాల చూర్ణమును పుండ్లపై రాస్తే పుండ్లు తగ్గిపోతాయి. ఆవాలను వేపనూనెతో కలిపి వాడితే చర్మ రోగాలు తగ్గిపోతాయి.
జాగ్రత్తలు / ప్రతికూలతలు
- ఒకవేళ ఆవాలు పడకపోతే బొబ్బలు వస్తాయి, అప్పుడు వెంటనే వాడటం మానివేయాలి.
- ఆవాలను అధికరక్తపోటు (High BP), అర్శమొలల రోగులు, అల్సర్లతో బాధపడేవాళ్ళు వాడకూడదు.
- ఇది బాగా వేడి చేస్తుంది. కళ్ళకు ఇబ్బంది కలిగిస్తుంది. మల మూత్రములను బంధిస్తుంది. కాబట్టి ఆవాలను అతిగా వాడకూడదు.
మూలాలు
- పుస్తకం: సంపూర్ణ ఆయుర్వేద వైద్య చికిత్స (పేజీలు: 342, 343)
- రచయిత: డా|| టి. భిక్షపతి
