అవిసె (Vegetable Hummingbird / Agathi)

అవిసె (Vegetable Hummingbird / Agathi)

శాస్త్రీయ వర్గీకరణ (Scientific Classification)
రాజ్యము (Kingdom):	Plantae
విభాగము (Division):	Tracheophyta
తరగతి (Class):	Magnoliopsida
క్రమము (Order):	Fabales
కుటుంబము (Family):	Fabaceae
ప్రజాతి (Genus):	Sesbania
శాస్త్రీయ నామం:	Sesbania grandiflora

అవిసె (Agathi / Vegetable Hummingbird) అనేది ఫాబేసి (Fabaceae) కుటుంబానికి చెందిన ఒక బహుళ ఉపయోగాలు గల మొక్క. దీని శాస్త్రీయ నామం సెస్బేనియా గ్రాండిఫ్లోరా (Sesbania grandiflora). ఆంధ్రప్రదేశ్‌లో తోటల పెంపకంలో తమలపాకులు, మిరియాల తీగలకు పైకి ప్రాకేందుకు ఆధారంగా దీనిని ఉపయోగిస్తారు. అవిసె ఆకులను కూరగా, పప్పులో వేసుకొని తింటారు.

వివిధ భాషల్లో పేర్లు

• తెలుగు: అవిసె
• సంస్కృతం: అగస్త్య
• హిందీ: అగస్తి
• లాటిన్: సెస్బేనియా గ్రాండిఫ్లోరా (Sesbania grandiflora)
• కుటుంబము: Fabaceae

పోషక విలువలు

అవిసె ఆకులలో పోషక విలువలు చాలా ఎక్కువగా ఉంటాయి.

ప్రతి 100 గ్రాముల అవిసె ఆకులలో ఉండే పోషకాలు:

• ప్రోటీన్లు: 8.4 మి.గ్రా
• క్యాల్షియం: 1,3000 మి.గ్రా
• ఫాస్పరస్: 8.0 మి.గ్రా
• ఐరన్: 3.9 మి.గ్రా
• విటమిన్ - ఎ: 9,000 I.U
• థైమిన్: 0.21 మి.గ్రా
• రైబోఫ్లేవిన్: 0.09 మి.గ్రా
• నికోటినిక్ యాసిడ్: 1.20 మి.గ్రా
• విటమిన్ - సి: 169 మి.గ్రా

ఔషధ ఉపయోగాలు & గుణాలు

• గుణాలు: ఆయుర్వేదంలో దీనిని తిక్తరసము, శీతవీర్యం, రూక్ష లఘుగుణము, కటువిపాకము గలదిగా పేర్కొంటారు. ఇది విషహరము మరియు కఫపిత్తహర చర్యలను కలిగి ఉంటుంది.
• రేచీకటి & దృష్టి లోపాలు: అవిసె ఆకుల్లో విటమిన్ - ఎ, సి పుష్కలంగా ఉంటాయి. ఆకుల రసం 10 మి.లీ. ఉదయం, సాయంత్రం తీసుకుంటే రేచీకటి, మందదృష్టి తగ్గుతాయి.
• మూత్రవర్ధకం (Diuretic): అవిసె ఆకుల రసాన్ని తాగడం వల్ల మూత్రం సాఫీగా వస్తుంది.
• కడుపులో పురుగులు & రాళ్ళు: దీని ఆకులతో కషాయం కాచి 20 మి.లీ. రోజుకు రెండుసార్లు తాగితే మూత్రంలో రాళ్ళు, కడుపులో క్రిములు తగ్గుతాయి. నాలుకపై వచ్చే పుండ్లు కూడా నయమవుతాయి.
• నోటిపుండ్లు & గొంతునొప్పి: అవిసె ఆకులను నోటిలో ఉంచుకొని నమిలి మింగితే నోటిలోని పుండ్లు, గొంతునొప్పి ఉపశమిస్తాయి.
• మలేరియా, జ్వరం & స్మాల్‌పాక్స్: చెట్టు బెరడు కషాయం తాపితే మలేరియా, జ్వరం మరియు స్మాల్‌పాక్స్ వ్యాధి లక్షణాలు తగ్గుతాయి.
• జిగురు విరేచనాలు: బెరడు కషాయం 20 మి.లీ. సేవిస్తే జిగురు విరేచనాలు, అతిసారము తగ్గుతాయి.
• కీళ్ళనొప్పులు & వాపులు: అవిసె పువ్వులు లేదా వేర్లను మెత్తగా నూరి ముద్దగా చేసి కీళ్ళ నొప్పులు ఉన్న భాగంలో పట్టువేస్తే నొప్పులు తగ్గుతాయి.
• గండమాల (గోయిటర్): దీని ఆకుల రసాన్ని గండమాల బిళ్ళలు వచ్చిన చోట దూది (Cotton)తో రాస్తే గండమాల బిళ్ళలు తగ్గిపోతాయి.

మూలాలు

• పుస్తకం: సంపూర్ణ ఆయుర్వేద వైద్య చికిత్స (పేజీలు: 345, 346, 347)
• రచయిత: డా|| టి. భిక్షపతి