తోటకూర / Amaranth
From LTRC
| తోటకూర / Amaranth | |
|---|---|
| Kingdom | Plantae |
| Division | Tracheophytes |
| Class | Magnoliopsida |
| Order | Caryophyllales |
| Family | Amaranthaceae |
| Genus | Amaranthus |
| Scientific Name / Latin Name | Amaranthus paniculatus |
తోటకూర (Amaranthus paniculatus) అమరాంథేసి (Amaranthaceae) కుటుంబానికి చెందినది. వేసవి మరియు వర్షాకాలములో లభించేది తోటకూర. తోటకూర పోషకవిలువలు కలిగిన బలమైన ఆహారం. దీనిలో ఎన్నో రకాల అమైనో ఆసిడ్స్ కూడా ఉన్నాయి.
వివిధ భాషల్లో పేర్లు
- హిందీ పేరు: చాలే
- తెలుగు పేరు: తోటకూర
- లాటిన్ పేరు: అమరాంథస్ పానికులేటా
- కుటుంబము: Amaranthaceae
- ఆంగ్ల పేరు: Amaranth
పోషక విలువలు
తోటకూరలో ఈక్రింది పోషక విలువలు కలవు:
- తేమ: 85.7 గ్రాములు
- క్రొవ్వు: 0.5 గ్రాములు
- కార్బోహైడేట్లు: 6 గ్రాములు
- ప్రొటీన్లు: 40 గ్రాములు
- నార్ (ఫైబర్): 1.0 గ్రాములు
- కెలోరీలు: 50 గ్రా
- కాల్షియం: 397 మి.గ్రా
- పాస్పరస్: 25.5 మి.గ్రా
- మెగ్నీషియం: 247 మి.గ్రా
- పొటాషియం: 341 మి.గ్రా
- సోడియం: 230 మి.గ్రా
- ఇరన్: 25.5
- విటమిన్ - ఎ: 10.970 I.U
- విటమిన్ - బి1: 36 మై.గ్రా
- విటమిన్ - బి2: 2.5 మై.గ్రా
- విటమిన్ - సి: 150 మి.గ్రా
ఔషధ ఉపయోగాలు & గుణాలు
- రక్తహీనత మరియు గర్భిణీ స్త్రీలకు: తోటకూరలో ఐరన్ మరియు విటమిన్ - ఎ శాతం ఎక్కువ ఇది గర్భిణీ స్త్రీలకు మరియు రక్త హీనతతో బాధపడు రోగులకు చాలా మంచిది.
- కంటి ఆరోగ్యం మరియు దృష్టి లోపాలు: తోటకూర తినటం వ లన కంటికి మేలు జరుగుతుంది. దృష్టి లోపం నివారించబడుతుంది.
- వృద్ధాప్య ఛాయలు మరియు రోగనిరోధక శక్తి: రక్తహీనత, కామెర్లు మరియు పోషకాహారలోపం కల రోగులకు తోటకూర జ్యూస్ ఎంతో ఉపయుక్తము. వృద్ధాప్య ఛాయలు కనబడుతున్నా తోటకూర జ్యూస్ త్రాగటం వలన వాటిని నివారించవచ్చు.
- తెల్లబట్ట మరియు మలబద్ధక నివారణ: తోటకూర జ్యూస్ నందు తేనె కలిపి ಸೇವించిన తెల్లబట్ట తగ్గుతుంది. శీఘ్రస్ఖలనం తగ్గుతుంది. మలబద్ధత తొలగుతుంది.
- శ్వాస సంబంధిత వ్యాధులు: ఆస్తా, బ్రాంకైటీస్, ట్యూబర్ క్లోసిస్ రోగాలకు ఎంతో ఉపయోగకరము. తోటకూర జ్యూస్ మరియు తేనె కలిపి త్రాగిన గర్భిణీస్త్రీలకు ఎన్నో రకాల ఉపయోగం.
- అర్శమోగులు మరియు రక్తస్రావం: అర్శమోల రోగులకు, చిగుళ్ళవాపురోగులకు ముక్కునుండి రక్తం కారుతున్న రోగులకు అధిక రక్తస్రావంతో బాధపడు స్త్రీలకు ఇది ఎంతో ఉపయోగం.
- హైపర్ టెన్షన్ మరియు కొలెస్ట్రాల్: హైపర్ టెన్షన్ (అధిక రక్తపోటు) అధిక కొలెస్ట్రాల్తో బాధపడు రోగులు తోటకూర జ్యూస్ మరియు నిమ్మరసం కలిపి సేవించిన మూత్రం సాఫీగా అయి శరీరంలోని ఎక్కువ శాతం లో ఉన్న సోడియం బయటికి వెళుతుంది.
- సౌందర్య పోషణ: తోటకూర రసమునకు పసుపు కలిపి ముఖనకు రాసి గంట తరువాత కడిగినిన ముఖవర్చస్సు పెరుగుతుంది. మొటిమలు నివారించబడతాయి.
- నలిపురుగులు నివారణ: తోటకూర కషాయం 10-20 మి.లీ రోజుకు 3 సార్లు త్రాగిన నలిపురుగులు నివారించబడతాయి.
జాగ్రత్తలు / ప్రతికూలతలు
- మూత్రపిండాల్లో రాళ్ళు ఉన్న రోగులు తోటకూరను సేవించరాదు.
మూలాలు
- పుస్తకం: సంపూర్ణ ఆయుర్వేద వైద్య చికిత్స (పేజీలు: 474-475)
- రచయిత: డా|| టి. భిక్షపతి
